* तरीघाट म शिक्षा के चमक: हाई स्कूल 94% अउ हायर सेकेंडरी 98% परिणाम, पूर्व सरपंच अउ जोहार छत्तीसगढ़ पार्टी के दुर्ग जिला महासचिव अशोक कुमार साहू दिन सबो विद्यार्थी ल बधाई…
* प्राथमिक स्कूल तरीघाट म 100% सफलता, सबो विद्यार्थी पास, नवा सत्र 16 जून ले होही सुरु…
तरीघाट(पाटन) : शिक्षा सत्र 2025-26 के परीक्षा परिणाम घोषित होवतें, तरीघाट के शासकीय स्कूल मन म खुशी के माहौल देखे गिस। शासकीय हाई स्कूल तरीघाट म 94 प्रतिशत अउ शासकीय हायर सेकेंडरी स्कूल म 98 प्रतिशत परीक्षा परिणाम दर्ज होइस, जेन ह गांव बर गौरव के बात हवय।
एही संग, शासकीय प्राथमिक शाला तरीघाट म कक्षा पहली ले पांचवीं तक पढ़ई करईया सबो विद्यार्थी सफल होगे हें। स्कूल प्रबंधन अउ शिक्षक मन के मेहनत के नतीजा स्वरूप सबो झिन बच्चा पास होके नवा मुकाम हासिल करे हें।
कक्षा अनुसार मेरिट सूची म अव्वल आइन विद्यार्थी मन के नाम इस प्रकार हवय:..
पहिली कक्षा म खुशी साहू (86.6%) पहिली अउ ओम निर्मलकर (85.3%) दूसर स्थान हासिल करिन।
दूसरी कक्षा म दिशा गोस्वामी (79.3%) पहिली अउ लावण्या साहू (78.6%) दूसर स्थान म रहिन।
तीसरी कक्षा म खेमराज साहू (74.5%) पहिली अउ लाकेश निषाद (67%) दूसर स्थान हासिल करिन।
चौथी कक्षा म दिव्या साहू (73.5%) पहिली अउ पीहू निषाद (72.5%) दूसर स्थान म रहिन।
पांचवीं कक्षा म ईशान निषाद (74%) पहिली अउ प्रतीक गोस्वामी (73.5%) दूसर स्थान म रहिन।
शाला प्रबंधन के बताय अनुसार नवा शिक्षा सत्र 16 जून 2026 ले सुरू होही, जेमां सबो विद्यार्थी मन ला प्रगति पत्रक वितरण करे जाही।
शाला परिवार के संग गांव के पूर्व सरपंच अउ जोहार छत्तीसगढ़ पार्टी के दुर्ग जिला महासचिव अशोक कुमार साहू अउ शाला समिति के अध्यक्ष रोहित बन गोस्वामी घलो सबो सफल विद्यार्थी, शिक्षक अउ पालक मन ला बधाई देके उज्ज्वल भविष्य के कामना करिन।
