“पाटन” म ऐतिहासिक जबर “आठे तिहार” क्षेत्र के हजारो छत्तीसगढ़िया हुए शामिल

छत्तीसगढ़िया क्रांति सेना मनाइस “पाटन” म जबर “आठे तिहार”; छत्तीसगढ़ के नानम झलक नंदावत संस्कृति अउ, पारंपरिक कला-कौशल के देखाय गिस झलक…



पाटन/संतोष देवांगन-छत्तीसगढ़ियां ;
पाटन म छत्तीसगढ़िया क्रांति सेना ह,  दु बछर ले जबर हरेली के बाद,  एसो बर  जबर “आठे तिहार” ल, बड़े धूमधाम ले मनाइस हे। ए कार्यक्रम म जम्मो समाज, संगठन, व्यवसायी, शासकीय-अशासकीय कर्मचारी, अधिकारी, शिक्षा संस्थान, हॉस्पिटल, पत्रकार, कलाकार, साहित्यकार, अउ छत्तीसगढ़िया क्रांति सेना संग, खड़े होइया दाई-बहिनी-भइया मन, हजारों के संख्या म सकलाए रिहिस हे ।

ए दारी पाटन के जबर आठे तिहार के जुलुस म, छत्तीसगढ़ के बारा मासी तिहार के रंग…. छत्तीसगढ़िया क्रान्ति सेना के संग देखे ल मिलिस, जेन म प्रमुख रूप ले बईला गाड़ी के जुलुस, टेक्टर के जुलुस, छत्तीसगढ़िया पुरखा मनके झांकी, छत्तीसगढ़ महतारी के झांकी, भोजली एवं खेल जवांरा, गौरी गौरा झांकी… सुवा नाच, पंथी नाच, राउत नाच, कर्मा नाच, कृष्ण लीला झांकी, वनांचल गेड़ी नाच, बस्तरिहा आदिवासी नाच, कमार नाच, मांदरी नाच, डंडा नाच, अखाड़ा प्रदर्शन, गड़वा बाजा,  नाचा दल, अऊ बांस गीत, देवार गीत ,  भरथरी ,  पंडवानी वाले जम्मो कलाकार मन अपन जबर प्रदर्शन करिस। जेन आकर्षण के केंद्र बने रिहिन।

 फेसबुक से जुड़े 

ए दारी पाटन के “आठे तिहार” ल छत्तीसगढ़िया संस्कृति के पहचान अउ, एकता के प्रतीक बताए गिस। अऊ  मंझनिया  4 बजे, अखरा दाई मंदिर प्रांगण ले पूजा-पाठ करके, रैली के सुरुआत करे गिस । जेन  रैली ह कॉलेज रोड, जगन्नाथ मंदिर, भरर चऊक, शुभाष चऊक, होत नगर भ्रमण करत महामाया मंदिर ले, आत्मानंद चऊक से, नवा बस टेशन, राधा रानी मंदिर, गौठान पाटन, सभा ठउर में थिरइस हे,

जिहा छत्तीसगढ़ महतारी के पूजा पाठ करके, रैली में भाग लेवइया कलाकार, मंडली मन के सम्मान करे गिस, ओखर बाद छत्तीसगढ़ के बघवा अमित बघेल जी के उद्बोधन होइस । ए ठउर कार्यक्रम, मंचीय आयोजन के रूप म होइस हे।  जिहा छत्तीसगढ़ के नानम झलक, नंदावत संस्कृति अउ पारंपरिक, कला-कौशल ल प्रमुख रूप ले देखाय गिस । साथ ही विभिन्न छत्तीसगढ़ी कलाकार मन के भी आगमन होय रिहिस, जेन मन अपन सुंदर प्रस्तुति दे के हजारो दरसक मन के मन ल गदगद कर दिन।

मंच के सुंदर संचालन मधुकांत साहू द्वारा करे गिस, ए अवसर म प्रमुख रूप से जोहार छत्तीसगढ़ पार्टी के प्रदेश अध्यक्ष, छत्तीसगढ़ के बघवा अमित बघेल, छत्तीसगढ़िया क्रांति सेना के प्रदेश अध्यक्ष डॉ अजय यादव, दुर्ग जिला अध्यक्ष भूषण वर्मा, बालोद से शशिभूषण, पाटन से छाया विधायक मधुकांत साहू, पूर्व सरपंच अशोक साहू, पुष्पेंद्र बबलू साहू, घनश्याम नेताम, पत्रकार संतोष देवांगन, राजूलाल, आयुष वर्मा,  रामकुमार साहू, सहित सैकड़ो सेनानी मन, अऊ पाटन वासी उपस्थित रहीन।

विज्ञापन 

 

खेल और टीमवर्क की मिसाल बना शिवोम् बैडमिंटन प्रीमियर लीग 2025

शिवोम् विद्यापीठ का दो दिवसीय बैडमिंटन प्रीमियर लीग 2025 का हुआ भव्य आयोजन अमलेश्वर(पाटन) : शिवोम् विद्यापीठ संस्था में 29 एवं 30 अगस्त को दो...

जनता का विश्वास, विकास का प्रमाण – मुख्यमंत्री विष्णुदेव साय ने रचा इतिहास – जितेन्द्र वर्मा

मुख्यमंत्री विष्णुदेव साय देश के दूसरे सबसे लोकप्रिय मुख्यमंत्री बने- जितेंद्र वर्मा  दुर्ग। छत्तीसगढ़ के मुख्यमंत्री विष्णु देव साय ने जनता की आकांक्षाओं पर खरा...

विज्ञापन 

ताज़ा खबरे

"छत्तीसगढ़ 24 न्यूज़" के कंटेंट को कॉपी करना अपराध है। 

error: पाटन के गोठ (PKG NEWS) के न्यूज़ को कॉपी करना अपराध है